主页 > 发明高新 >日本YouTuber被整蛊 惊见成间餐厅坐满9个前女友 >


日本YouTuber被整蛊 惊见成间餐厅坐满9个前女友


2020-07-14

成日听到人话结婚请埋啲EX,虽然今次就唔关结婚事,纯粹係餐厅食饭,不过如果带女朋友食饭嘅餐厅,入面坐满EX,你又会点做呢?日本YouTuber拉斐尔带现任女友食饭,点知同场坐满晒佢嘅EX,真係吓到唔知畀咩反应好。

日本YouTuber拉斐尔被整蛊

日本真係好多整蛊节目,今次YouTuber拉斐尔就成为整人综艺节目嘅目标,同事喺拉斐尔食饭嘅地方安排咗一堆佢嘅EX,数量多到一间房都坐唔晒,睇下拉斐尔见到呢个场面会有咩反应!

日本YouTuber被整蛊 惊见成间餐厅坐满9个前女友
成间餐厅坐满9个前女友

影片中见到多个EX逐一自我介绍,好多都后生得嚟又几靓女。问到呢班EX点睇拉斐尔,大家都异口同声话:「我很讨厌他」、「不想看见他」。

日本YouTuber被整蛊 惊见成间餐厅坐满9个前女友
其中一个EX
日本YouTuber被整蛊 惊见成间餐厅坐满9个前女友
其中一个EX
日本YouTuber被整蛊 惊见成间餐厅坐满9个前女友
EX异口同声:「我很讨厌他」

介绍完EX之后,终于轮到主角出场。拉斐尔带住女朋友入到呢间寿司店,点知女朋友一入到去就见到识得嘅人,仲要未知佢就係拉斐尔嘅EX,真係吓到呆一呆。

日本YouTuber被整蛊 惊见成间餐厅坐满9个前女友
拉斐尔带住女朋友入寿司店
日本YouTuber被整蛊 惊见成间餐厅坐满9个前女友
拉斐尔现任女朋友

拉斐尔坐低冇得耐就见到一堆EX,吓到佢即刻去洗手间要冷静下:「这真是不得了,有点糟糕。」。点知去到洗手间,又畀个朋友带咗去另一间房,一打开门又见到另一个EX,个EX都话想去见下拉斐尔嘅现任,真係吓到个心都离一离。

日本YouTuber被整蛊 惊见成间餐厅坐满9个前女友
另一间房都见到EX

拉斐尔返到吧台先係灾难嘅开始,其中一个EX问到佢哋几时喺埋一齐,现任就话4月尾,点知前女友表示:「我们是4月尾分手的」,原来拉斐尔一脚踏两船。

日本YouTuber被整蛊 惊见成间餐厅坐满9个前女友
原来拉斐尔一脚踏两船
日本YouTuber被整蛊 惊见成间餐厅坐满9个前女友
前女友表示:「我们是4月尾分手的」

呢次嘅整蛊真係玩大咗,搞到成餐饭个气氛都怪怪哋,感情呢回事真係要好好处理先得!

上一篇:
下一篇: